“Dissertatsiyalar asosiy ilmiy natijalarini chop etish tavsiya etilgan ilmiy nashrlar ro‘yxati” yanada qulaylashtirildi

OAK rasmiy veb-saytida dissertatsiyalarning asosiy ilmiy natijalarini chop etish tavsiya etilgan ilmiy nashrlar ro'yxatining elektron reestri yanada takomillashtirildi. Yangilangan sahifada tadqiqotchilar va doktorantlar uchun jurnallarni tanlash va ularning amaldagi maqomini tekshirish imkoniyati yaratildi. Elektron reestrda har bir jurnal bo'yicha OAK tan olishi, tavsiya etilgan fan tarmoqlari va xalqaro nashriyot yoki ma'lumotlar bazasining maqomi haqidagi ma'lumotlar qulay shaklda taqdim etilgan. Reestr "Faol" va "Chiqarildi" maqomidagi platformalarni farqlash orqali dissertatsiya natijalarini e'lon qilishda shaffoflikni oshiradi. OAK elektron reestrni doimiy yangilashni davom ettirayotganini va tadqiqotchilardan maqola nashr etishdan oldin jurnalning holatini reestr orqali tekshirib olishni tavsiya qilayotganini aytadi.